Já sko minn mann

Mikið er gott að fá þessar fréttir af honum Alla mínum sem birtust á kappakstur.is

Kveðja Gústi lang lang lang flottasti

(01.03.08

Briatore: Alonso líkur sjálfum sér á ný

Flavio Briatore, framkvæmdarstjóri Renault segir að Spánverjinn Fernando Alonso sé orðinn eins og hann á eigi að sér að vera. Broshýr og kátur.
Margir skildu ekkert þann karakter sem Alonso sýndi í fyrra hjá McLaren og þótti hann ólíkur sjálfum sér. Hann tók reiðiköst og hafði allt á hornum sér. En Briatore segir að Alonso hafi breyst og sýni nú sinn rétta mann, á jákvæðum vinnustað. Hjá Renault.
,,Alonso er orðinn eins og hann á að sér að vera. Hann er mjög einbeittur, léttur og kátur. Hann hlær og er ánægður með lífið og tilveruna á ný”, segir Briatore og hann telur að Renault sé smám saman að minnka forskot Ferrari og McLaren. Lokaæfingar keppnisliða voru í Barcelona voru í vikunni.
,,Ég held að við höfum einnar sekúndu forskot toppliðanna frá því í fyrra. Ég held að það séu sex eða sjö bílar á svipuðu róli. Ferrari og McLaren verða í mestri baráttu í tímatökum, en í keppni tel að Ferrari verði þetta 0.2 sekúndum fljótari í hring til að byrja með.”
,,Markmið Renault er að safna sem flestum stigum í fyrstu þremur mótunum og síðan munum við sækja í okkur veðrið. Alonso hefur trú á því að við getum unnið mót á árinu og þegar kemur að mótum í Evrópu bætum við bílinn nokkuð og færum okkur upp á skaftið”, sagði Briatore.)

Athugasemdir

[gudni.is, 11.3.2008 kl. 02:17]

Mikið verður nú gaman að sjá það nú fljótlega þegar hann Alli þinn fer að leika í Renault auglýsingum við að kynna Renault Twingo Sport...!! Hahaha hvað ég held hann verði svekktur kappinn sá sem fékk að leika í Mercedes Benz auglýsingum á síðasta ári....

McLaren kveðja....Guðni

[Gústav J. Daníelsson, 11.3.2008 kl. 16:39]

Ég væri nú alveg til í að eiga svona Reult Tvingo Sport þessa dagana þegar bensínverðið hækkar með hverri mínútu og Benzarnir hlaðast upp á bílasölunum eins og ruslahrúga

Alonso Kveðja